31/1/20

Dimenjada damb ambient lèu de primauera, quauqui borrats fèbles eth dissabte peth maitin e bon temps eth dimenge entara Marxa Beret.

Aué diuendres 31 de gèr, serà ua jornada pro assolelhada encara que damb quauques bromes escampilhades sustot pendent eth maitin e que poderien deishar bèra fèbla rogina a prumères ores.
Temperatures nautes entara epòca (6°/15° en Es Bòrdes; 2°/4° en Baqueira 1800).

Eth dissabte 1 de hereuèr, eth maitin serà caperat damb precipitacions fèbles, encara que puntuauments poderien èster moderades e que deisharien de 5 a 10 mm. Era còta de nhèu se plaçarà en torn as 2.300 m. Pera tarde se dauriràn clarulhes.
Es temperatures contunharàn nautes encara que damb un leugèra e quasi inapreciable descenuda (3°/14° en Es Bòrdes; 1°/3° en Baqueira 1800).

Eth dimenge 2, auram ua bona jornada entara Marxa Beret damb un maitin assolelhat damb quauqui bromalhs nauti e fòrça primi. Pera tarde poderien aparéisher bères bromes.
Temperatures en ascens mès pròpries deth mes de mai que de principis de hereuèr e que enes pòbles mes baishi dera Val poderien arribar as 20ºC (5°/19° en Es Bòrdes; 2°/6° en Baqueira 1800).