Dissabte damb plojats de maitin e tarde damb cèus variables. Dimenge primauerau.

Aué dissabte 1 de hereuèr, auram un maitin embromat, damb precipitacions fèbles que començarien abans des 8 deth maitin e deisharien de 5 a 8 mm. Era còta de nhèu serà nauta ath torn des 2.300 m . Ath torn de meddia es plojats anaràn desapareishent e pera tarde se dauriràn clarulhes.
Temperatures pro peth dessús des abituaus entara epòca (4°/14° en Es Bòrdes; 2°/4° en Beret).

Eth dimenge 2 auram solei leugèraments embaranat per bromalhs nauti.
Temperatures primaueraus (4°/18° en Es Bòrdes; 0°/5° en Beret). En hons dera Val se poderie arribar as 20°C.

Eth deluns contunharíem damb era madeisha tendéncia e damb temperatures diürnes mès nautes.
A compdar deth dimars auram ua descenuda de temperatures e quauques precipitacions, qu'en principi seràn fèbles.