Temperatures doces e jornades un shinhau variables.

Aué dijaus 30 de gèr, auram un maitin damb bromalhs nauti e mieis que embaranaràn eth solei e en quauqui moments la corbiràn totauments e que se alternán damb quauques clarulhes. Era tarde serà mès assolelhada damb bromes escampilhades, quauquarren mès frequentes enes zònes baishes dera Val. Pas s'escarte bèra fèbla e isolada rogina pendent era jornada.
Temperatures peth dessús des normaus entara epòca (4°/13° en Es Bòrdes; 0°/2° en Baqueira 1800).

Eth diuendres 31, serà mès assolelhat damb preséncia de quauqui bromalhs baishi en hons de val que s'anaràn lheuant pendent era tarde.
Es temperatures contunharàn nautes entara epòca (4°/13° en Es Bòrdes; 1°/3° en Baqueira 1800).

Eth dissabte 1 de hereuèr, encara qu'a prumères ores auram clars alternadi damb bromalhs nauti, pendent eth maitin e part centrau dera jornada se corbirà e se poderie produsir quauqua precipitacion que serie fèbla e damb còta de nhèu sus es 2.300 m. Pera tarde se dauriràn clarulhes.
Temperatures similares ara jornada anteriora (3°/14° en Es Bòrdes; 0°/4° en Baqueira 1800).

Eth dimenge semble que vam a auer ua bona jornada entara disputa dera Marxa Beret.