Dimèrcles damb solei e bromalhs nauti, dijaus un shinhau mès caperat. Ascens de temperatures.

Aué dimèrcles 29 de gèr, serà ua jornada damb solei e cèus leugèraments embaranadi per bromalhs nauti.
Temperatures minimes fresques; diürnes leugèraments peth dessús des abituaus entara epòca (-1°/11° en Es Bòrdes; -3°/1° en Baqueira 1800).

Eth dijaus 30, auram un shinhau mès de nivolositat nauta e mieja que embaranarà eth solei e en quauqui moments la corbiràn totauments, en tot hèr pèrder era percepcion de relèu en zònes nheuarades. Pas s'escarte bèra fèbla e isolada rogina.
Temperatures en ascens (3°/13° en Es Bòrdes; -2°/3° en Baqueira 1800).

Eth diuendres 31, pendent eth maitin encara auram nivolositat de tipe naut e miei, qu'anarà desparaeishent entà deishar-mos ua tarde pro assolelhada.
Es temperatures contunharàn peth dessús des normaus (3°/13° en Es Bòrdes; 0°/3° en Baqueira 1800).