Variabilitat e ascens de temperatures.

Aué dimars 28 de gèr, serà ua jornada damb alternancia de clars e bromes que seràn mès frequentes e compactes enes zònes mès baishes dera Val. Pendent eth maitin se pòt produsir quauqua precipitacion fòrça fèbla damb còta de nhèu sus es 1.700 m.
Temperatures un shinhau peth dessús des normaus entara epòca (2°/10° en Es Bòrdes; -2°/0° en Baqueira 1800).

Eth dimèrcles 29, pendent eth maitin auram solei damb quauqui intervaus de bromalhs nauti. Pera tarde s'alternaràn clars damb intervaus de bromalhs nauti e mieis que embaranaràn eth cèu.
Temperatures en leugèr ascens (-1°/12° en Es Bòrdes; -4°/1° en Baqueira 1800).

Eth dijaus 30 serà mès caperat, damb possibilitat de quauque fèble plojat e còta de nhèu sus es 2300 m.
Temperatures peth dessús des normaus entà finaus de gèr (2°/12° en Es Bòrdes; -3°/3° en Baqueira 1800).