Temperatures primaueraus e possibles tronades de tarde.

Aué dissabte 19 de mai, auram un maitin assolelhat. Pera tarde se desvoloparàn bromes d'evolucion, alternades damb clari e damb probabilitat nauta de tempèsta. Vents fèbles deth nòrd.
Temperatures abituaus entara epòca (6°/20° en Gausac; 5°/19° en Tredòs).

Eth dimenge peth maitin s'alternaràn bromes e clari. Pera tarde se tornaràn a formar bromalhs convectius damb probabilitat nauta de plojats.
Es temperatures contunharàn en tot èster primaueraus (8°/19° en Gausac; 6°/18° en Tredòs).

Eth deluns seguiram damb ua dinamica e temperatures similares as dera dimenjada (8°/19° en Gausac; 6°/18° en Tredòs).