Heired e possibles cambis a miei termini

Aué dimenge 18 de deseme serà ua jornada esplendidaments assolelhada tamb temperatures heiredes, pròpries dera epòca (-3°/9°).

Eth deluns peth maitin serà pro assolelhat; pera tarde aumentarà era nivolositat.
Temperatures heiredes (-3°/5°).

Eth dimars calerà èster atenti ara borrasca que se plaçarà entre Menorca e Sardegna. En principi auram alternancia de bromes e clari pendent eth maitin. Pera tarde aumentarà era nivolositat tamb quauqua fèbla nheuada a darrères ores; còta de nhèu ath torn des 800 m.
Temperatures iuernaus (-4°/4°).

Eth dimars pera net e eth dimèrcles, mos calerà seguir atentaments era evolucion d'aguesta baisha mediterranèa, qu'en principi va a provocar nheuades fòrça importantes ena zòna de Núria e Vallter. S'era depression se placesse quauqui quilomètres ath nòrd poderie provocar quauqua nheuada mès ena nòsta zòna. Seguiram era situacion puntuauments.