Dimenjada iuernau en Aran

Aué diuendres 13 de gèr, serà ua jornada embromada tamb precipitacions moderades, un shinhau intermitentes e que seràn de nhèu en totes es còtes. Pera net amendrirà era intensitat. Acumulacions d'entre 15 a 25 cm en còta 2.000. Vents fòrti tamb bohades fòrça fòrtes de noroest.
Temperatures en descenuda ath long dera jornada (5° maitiada, 1° a meddia, -1° pera net).

Eth dissabte se alternaran bromeres e clari damb quauques precipitacions qu'en principi serien fèbles e de nhèu en totes es còtes. Pera net se reactiuaran quauquarren es nheuades. Vents moderadi de compausant noroest.
Temperatures negatiues en totes es còtes pendent tota era jornada (-3°/0°).

Eth dimenge a prumères ores auram precipitacions fèbles e dilhèu era possibilitat de quauqui clari. A compdar de meddia aumentarà era nivolositat e se produsiràn precipitacions, qu'a darrères ores poderien èster intenses. Es precipitacions seràn de nhèu en totes es còtes. Acumulacions de mès de 25 centimètres peth dessús de còta 2000. Vents moderadi damb quauqua bohada fòrta de compausanta noroest.
Temperatures heiredes en tot ténder a pujar a darrères ores (-4°/-1°).

Vos recomanam que sigatz atenti a pròplèus bulletins, donques qu'era prevision poderie variar substanciauments segontes mos indiquen quauqui modèls.