27/2/17

Deluns assolelhat, dimars damb quauques nheuades ena #ValdAran

Aué deluns 27 de hereuèr, tornaram a auer ua jornada assolelhada, tamb vents en cauma e temperatures doces entara epòca (2°/17°).

Eth dimars peth maitin auram bromes tamb clari e quauqua fèbla precipitacion. A compdar de meddia aumentarà era nivolositat e se produsiràn precipitacions moderades encara que de cuerta durada. Còta de nhèu enes 1.300 m en tot descéner as 1.000 m pera tarde. Acumulacions d'uns 10 cm en còta 2.500. Pera tarde vents en tot cambiar a nord-oèst tamb quauqua seguida moderada.
Descenuda de temperatures, sustot es maximales (2°/13°).

Eth dimèrcles, encara qu'aurà pas estat massa abondiua era nheuada deth dia anterior, serà un dia entà gaudir, donques que tornarà a èster assolelhat. A darrères ores aumentarà era nivolositat.
Temperatures diürnes en ascens (1º/16º)