1/2/17

Dimèrcles damb solei e bromes nautes. Dijaus aument dera inestabilitat.

Aué dimèrcles 1 de hereuèr, auram ua jornada assolelhada damb quauqui bromalhs nauti qu'en cèrti moments pòden arribar a corbir quasi totauments eth solei. Vents doci de compausant suroest que se refortilharàn pera tarde.
Temperatures quasi primaveraus tamb valors positius per jos des 2.300 m (3°/15°).

Eth dijaus auem quauqui clari a prumères ores, mès a mesura qu'auance eth maitin aumentarà era nivolositat; pera tarde-net se produsiràn quauques precipitacions fèbles damb còta de nhèu sus es 1800 m. Vents fòrti de compausant suroest pendent eth maitin.
Temperatures minimes un shinhau mès nautes (5°/14°).

Eth diuendres predominaràn es bromes, encara qu'auram quauqui clari. Possibilitat de precipitacions pendent eth maitin e era net. Còta de nhèu entre es 1300 e es 1800 m. Vents fòrti tamb quauques bohades fòrça fòrtes pendent era net.
Temperatures en descenuda (2°/12°).