Dijaus primauerau; diuendres tarde tamb precipitacions.

Aué dijaus 30 de març, auram un maitin assolelhat tamb quauques bromes nautes e primes. Pera tarde contunharà er ambient assolelhat encara que se formaràn quauques bromes d'evolucion qu'en quauque moment poderien corbir eth cèu. Vents moderadi de sud-oèst en zònes nautes.
Temperatures nautes entara epòca (4ºC/22°C en hons de val).

Eth diuendres peth maitin serà embromat, encara qu'apareisheràn quauqui clari. A compdar de meddia se desvoloparàn bromes convectiues que poderien deishar es prumères tronades dera sason. Pera tarde e net se produsiràn precipitacions moderades damb còta de nhèu ath torn des 2000 m e acumulacions d'uns 15 cm en còtes nautes. Vents moderadi deth nòrd e nord-oèst en zònes nautes. 
Descenuda de temperatures (8ºC/18ºC en hons de val).

Eth dissabte seguiram tamb nivolositat abondiua alternades tamb quauqui moments de solei, sustot ath torn deth meddia. Precipitacions entre fèbles e moderades pendent era maitiada e pera tarde tamb còta de nhèu entre es 1600 e es 1300 m. Acumulacions d'entre 5 e 10 centimètres en còtes nautes. Vents moderadi de direccion nord-oèst.
Temperatures fresques (3ºC/11°C).