26/3/17

Dimenge assolelhat entà gaudir dera Val d'Aran.

Aué dimenge 26 de març, serà ua jornada pro assolelhada tamb quauques brumes a prumères ores e bromalhs isoladi eth rèste dera jornada. Vents doci tamb quauqua bohada moderada de sud.
Temperatures en ascens respecte a jornades anteriores (4ºC/16ºC en hons de val; -5°C/3ºC en còta 2000).

Eth deluns auram fòrça bromes de tipe miei e naut qu'en quauqui moments poderien deishar entreveir eth solei; pas s'escarte quauqua fèbla precipitacion tamb còta de nhèu ath torn des 2000 m. Vents moderadi deth sud.
Temperatures similares ath dimenge (5°C/15ºC en hons de val; -3ºC/2°C en còta 2000).

Eth dimars serà ua jornada assolelhada damb quauques brumes a darrères ores.
Temperatura sense massa cambis (4ºC/14ºC en hons de val; -3ºC/5°C en còta 2000).

Arrebrembar-vos qu'aué s'a realizat eth cambi ar orari d'estiu.