Dimenge assolelhat tamb quauques bromes d'evolucion pera tarde.

Aué dimenge 19 de març, auram un maitin pro assolelhat damb quauqui bromalhs nauti e fòrça primi. Pera tarde se desvoloparàn bromes d'evolucion qu'anecdoticaments poderien deishar quauqua gota isolada. Vents doci deth nòrd.
Temperatures similares ath dissabte (2°C/18°C en hons de val; 1°C/7°C en còta 2.000).

Eth deluns: eth maitin tornarà a èster assolelhada tamb bromalhs nauti; pera tarde se tornaràn a desvolopar bromes d'evolucion que pas s'escarte que podessen deishar quauque fòrça fèble plojat, a darrères ores se formaràn quauques bromes baishes.
Temperatura sense cambis (3°C/18°C en hons de val; 0°C/10°C en còta 2.000).

Eth dimars serà un dia tamb bromes baishes abondiues e quauque bategat entre fèble e moderat pendent era tarde; còta de nhèu ath torn des 2000 m. Vents moderadi deth sud-oèst.
Descenuda des temperatures diürnes (4°C/14°C en hons de val; 0°C/4°C en còta 2.000).