Aué diuendres 10 de març, serà ua jornada tranquilla tamb cèus totauments clari. Vents doci de direccion nòrd.
Temperatures diürnes mès pròpries deth mes de junh que de març (5°C / 23ºC en còta 1.000) (1ºC / 13ºC en còta 2.000).
Eth dissabte 11, auram un maitin assolelhat tamb quauques bromes nautes. Pera tarde aumentarà leugèraments era nivolositat e pera net apareisheràn quauques brumes. Vents fèbles deth nòrdo-èst.
Es temperatures diürnes seràn un shinhau mès nautes qu'era jornada anteriora, sustot en hons de val (5°C / 24ºC en còta 1.000) (1ºC / 12ºC en còta 2.000).
Eth dimenge 12, pendent eth maitin s'alternaràn clari damb brumes que seràn mès denses a compdar de meddia e que poderien deishar quauqua fèbla precipitacion. Pera tarde aumentarà era nivolositat e a darrères ores se produsiràn quauques precipitacions moderades damb còta de nhèu sus es 1.500 m en tot descéner pera net cap as 800 m.
Notabla descenuda des temperatures diürnes (5°C / 13ºC en còta 1.000) (0ºC / 6ºC en còta 2.000).
Eth deluns semble qu'auram ua jornada iuernau damb nheuades moderades e còta de nhèu enes 900 mètros, pujnat as 1500 pendent era jornada.