Darrèr dia de tronades de tarde.

Aué deluns 10 d'abriu, seguiram tamb era madeisha dinamica dera dimenjada: solei radiant pendent eth maitin e bromes d'evolucion tamb posibles tempèstes pera tarde, probabilitat un shinhau mès baisha qu'es jornades anteriores e que serien de mens intensitat. Ath ser se disiparàn es bromes. Vents fèbles deth nòrd.
Temperatures minimes fresques; maximales nautes entara epòca (5°C/23°C en hons de val; 2°C/8°C en còta 2000).

Eth dimars serà assolelhat encara que tamb quauqui intervaus de bromes baishes. Vents doci de direccion nòrd.
Temperatures nocturnes sense cambis, diürnes en descenuda (5°C/18ºC en hons de val).

Eth dimèrcles auram ua jornada esplendidaments assolelhada tamb pujada des temperatures diürnes (5°C/20°C).