1/4/17

Dissabte variable en Aran

Aué dissabte 1 d'abriu, auram ues prumères ores damb brumes baishes denses e precipitacions moderades, encara que se poderien daurir quauqui clari. A mesura qu'auance eth maitin se lheuaràn es brumes baishes encara que contunharà era nivolositat abondiua tamb quauques precipitacions fèbles. Pera tarde se dauriràn quauqui clari. Còta de nhèu sus es 1400 m en tot descéner puntuauments as 1200 m. Vents moderadi deth nord-oèst tamb quauques bohdes fòrtes pera tarde e en zònes nautes.
Temperatures fresques (2°C/10°C en hons de val; -4ºC/0ºC en còta 2000).

Eth dimenge peth maitin serà un shinhau embromat tamb quauques precipitacions fèbles e còta de nhèu ath torn des 1300 m. Pera tarde se dauriràn clari. Vents de direccion nord-oèst moderadi tamb bohades fòrtes en zònes nautes pendent eth maitin.
Temperatura similar (3ºC/10ºC en hons de val; -4ºC/-1°C en còta 2000).

Eth deluns serà assolelhat damb notable ascens de temperatures (3°C/16ºC en hons de val; 1°C/3ºC en còta 2000 m).