Eth diuendres 15 de deseme,
serà ua jornada pro embromada, encara que pera tarde se poderie daurir quauqui
clari. Precipitacions intermitentes de
caractèr fèble, encara que puntuauments seràn moderades. Còta de nhèu enes 1500
m pendent eth maitin, en tot descéner cap as 800 m a meddia e a totes es còtes
pendent era tarde e net. Acumulacions de 20 a 25 cm en còta 2500 de Baqueira. Vents moderadi de
direccion nord-oest.
Temperatures normaus entara epòca (1°/8° en hons de Val; -5°/-2° en còta
2.000).
Eth dissabte auram brumes alternades tamb
quauqui clari. Precipitacions fèbles que serien de nhèu en totes es còtes.
Acumulacions de 5 a 10 cm en
zones nautes dera Val d'Aran. Vents deth nord-oest, moderadi tamb quauques bohades fòrtes en zònes
nautes.
Temperatures en descenuda (-1°/7° en hons de Val; -9°/-6° en còta
2.000).
Eth dimenge predominarà eth solei encara que tamb quauque banc de bromes
qu'afectarie, principauments, as zònes baishes dera Val d'Aran.
Es temperatures contunharàn en descenuda, sustot es minimes (-4°/7° en
hons de Val; -12°/-7° en còta 2.000).
