Diuendres un shinhau embomat tamb quauques precipitacions; 2 darrèri dies der an assolelhadi.

Aué diuendres 29 de deseme, auram un maitin pro embromat tamb quauques precipitacions fèbles. Còta de nhèu enes 1.200 m, pujant cap as 1800 m. 
Pendent era tarde precipitacions desapareisheran e se dauriràn quauqui clari. Era net serà serena. 
Vents moderadi tamb quauques bohades fòrtes en zònes nautes, ath torn de meddia.
Temperatures en ascens sustot es diürnes (0°/10° en hons de val; -5°/0° en còta 2.000).

Eth dissabte 30, serà pro assolelhat tamb quauques bromes nautes e primes e quauqui intervaus de brumes escampilhades pera tarde. vents fèbles de direccion variabla.
Temperatures doces entara epòca der an (3°/15° en hons de val; -3°/3° en còta 2.000).

Eth dimenge 31 serà pro assolelhat. A darrères ores se produsirà ua aumentacion dera nivolositat que poderien provocar que didéssem adiu ar an tamb quauques precipitacions. Còta de nhèu iniciau enes 1500 m en tot descéner cap as 900 m.
Vents moderadi tamb quauqua bohada fòrta de direccion sud-oest.
Es temperatures contunharàn en tot èster nautes (2°/16° en hons de val; 0°/2° en còta 2.000).