31/12/17

Solei, temperatures doces e precipitacions pera net entà dar comiat ath 2017

Aué dimenge 31 de deseme, auram un dia assolelhat, encara qu'a darrères ores aumentarà era nivolositat e se produsiràn quauques precipitacions entre fèbles e moderades. Còta de nhèu iniciau enes 1.600 m, en tot descéner pendent era maitiada cap as 900 m. Acumulacions de 5 a 10 cm en Còta 2500. 
Vents fèbles damb quauques bohades moderades de direccion sud-oest pendent era jornada, en tot virar ath nòrd-oest pera net.
Temperatures nautes entara epòca der an, tamb leugèra inversion termica a prumères ores (0°/15° en hons de Val; 1°/3° en còta 2.000).

Eth deluns dia de Cap d'An s'alternaràn bromes e clars. Aumentacion dera nivolositat a darrères ores tamb precipitacions fèbles. Còta de nhèu ath torn des 1200 m. Acumulacions de 5 a 10 cm en còtes nautes.
Vents fèbles pendent eth maitin; moderadi damb bohades fòrtes deth nòrd-oeste pendent era tarde e net.
Temperatures diürnes en descenuda (2°/12° en hons de Val; -6°/-2° en còta 2.000).

Eth dimars 2, serà pro embromat damb precipitacions moderades pendent era tarde. Còta de nhèu peth dessús des 2000 m. Acumulacions de 5 a 10 cm en Cap de Baqueira.
Vents moderadi deth nòrd-oest tamb quauques bohades fòrtes, sustot pendent era tarde.
Temperatura similara ara jornada anteriora (3°/10° en hons de Val; -4°/3° en còta 2.000).