Uns dies d'iuèrn en Aran

Eth dimars 26 de deseme, serà ua jornada embromada tamb quauques precipitacions fèbles e intermitentes. Còta de nhèu sus es 1100 m pendent eth maitin; en tot pujar as 1500 m pera tarde e en tot descéner de nau as 900 m ath ser. Vents loishi de direccion sud e sud-oest tamb quauques bohades moderades pendent era jornada. A darrères ores s'anarà en tot refortilhar-se er aire deth oest.
Temperatures en descenuda respecte a jornades anteriores (1°/8° en hons de Val; -4°/0° en còta 2.000).

Eth dimèrcles 27, auram nivolositat abondiua, tamb precipitacions que començaràn de maitiada e que se mantieràn entre moderades e puntuauments intenses enquiath ser. Còta de nhèu sus es 800 m pendent era maitiada e prumères ores deth maitin en tot descéner a totes es còtes cap a meddia. Acumulacions d'entre 30 a 40 cm en còtes nautes de Baqueira.
Vents fòrti de direccion nòrd-oest peth maitin e era tarde.
Temperatures en descenuda ath long dera jornada (1°/5° en hons de Val; -7°/-4° en còta 2.000).

Eth dijaus 28 contunharam damb nivolositat abondiua, encara qu'a darrères ores se dauririen quauqui clari. Precipitacions fèbles que serien de nhèu en totes es còtes pendent eth maitin e en tot pujar cap as 1200 m pera tarde. Vents moderadi damb quauques bohades fòrtes deth nòrdo-est.
Temperatures heiredes, sustot en zònes nautes (0°/5° en hons de Val; -8°/-4° en còta 2.000).

Vos arrebrembam que se vatz a viatjar pendent aguesti dies, pas desbrembetz amiar cadees e eth dipòsit plen de combustible.