Deluns tamb alternancia de solei e bromes nautes.

Eth deluns 8 de gèr, serà ua jornada tamb bromes un shinhau compactes de tipe naut e miei, qu'en quauqui moments pòden dificultar era percepcion deth relèu ena nhèu e qu'a intervaus deisharàn veir eth solei.
Vents doci tamb quauques bohades moderades de direccion variabla.
Temperatures en descenuda (-2°/10 en hons de Val; -7°/-2° en còta 2.000).

Eth dimars s'alternaràn bromes e clari; ena part centrau deth dia predominaràn es cèus sereni. Vents moderadi de direccion sud-oest.
Temperatura similara ara jornada anteriora (-2°/10° en hons de Val; -5°/-2° en còta 2.000).

Eth dimèrcles serà pro embromat tamb quauques precipitacions moderades pera tarde e net. Còta de nhèu enes 1.500 m en tot descéner pera net as 1.100 m.
Temperatures en leugèr ascens (0°/10° en hons de Val; -4°/-1° en còta 2.000).