27/1/18

Dissabte un shinhau embromat e damb precipitacions fèbles, en tot premanir un dimenge espectacular

Es nheuades des darrèri dies an deishat uns 45 cm en còtes nautes de Baqueira.

Entà aué dissabte 27 de gèr, se demore un maitin pro embromat en que poderíem veir quauqui moments eth solei. Precipitacions fèbles damb còta de nhèu ath torn des 600 m e acumulacions d'uns 5 cm en còta 2500.
Pera tarde desapareisheràn es precipitacions e se dauriràn clari.
Vents doci deth Nòrd damb quauqua bohada moderada en zònes nautes.
Temperatures abituaus entara epòca (-1°/6° en hons de Val; -7°/-5° en còta 2.000).

Eth dimenge 28, va a èster ua des melhores jornades dera sason, damb solei e vents doci deth nòrd-est.
Temperatures minimes en descenuda e diürnes agradables (-3°/12° en Vielha; -9°/1° en Pòrt dera Bonaigua).

Eth deluns 29 serà ua jornada fòrça similar ara deth dimenge que inclús es temperatures diürnes seràn un shinhau mès nautes (-3°/14° en hons de Val; -6°/2° en còta 2.000).

A causa des precipitacions d'aguesti dies, ei recomandable consultar eth perilh de lauegi en Centre de Lauegi deth Conselh Generau d'Aran.