5/1/18

Prediccion damb incertitud entara dimenjada de Reis

Aguesta dimenjada, auem d'èster atenti ara evolucion dera prevision. Es baishes pressions seràn tan pròplèus, que quinsevolha petita variacion, pòt significar un cambi important deth pronostic. Es darrères actualizacions dera prevision mos indiquen qu'eth dissabte era Val d'Aran va a demorar just en límit dera entrada d'aire heired; açò comportarie qu'es precipitacions siguessen mès intenses en es Pirenèu Aragonés e enes Hautes-Pyrénées. Mès coma vos auem indicat calerà èster atenti a pròplèus actualizacions.
Peth moment vam a realizar era prediccion, que pòt variar pendent era jornada d'aué e que d'èster atau l'actualizaríem immediataments.

Eth diuendres 5 de deseme serà ua jornada pro assolelhada, tamb vents doci de compausant sud. Pas se demoren precipitacions, per tant es Reis Mags van a poder arribar sense problèmes ara Vald'Aran.
Temperatures doces (2°/13° en hons de Val; 0°/3° en còta 2.000).

Eth dissabte 6 serà ua jornada embromada tamb precipitacions que començaràn feblements de maitiada (Còta 1.500); en tot èster puntuauments moderades peth maitin (Còta 1.200). Pera tarde e net serà intensa e puntuauments fòrça intenses (Còta 1.000). Dificil de pronosticar era quantitat de precipitacion, que poderie èster entre es 25 e es 50 cm en còtes nautes.
Vents damb quauques bohades moderades de compausanta variabla.
Temperatures en acusada descenuda pendent era jornada (0°/4° en hons de Val; -4°/-2° en còta 2.000).

Eth dimenge contunharam damb nivolositat abondiua encara que se poderien daurir quauqui clari, sustot a darrères ores. Precipitacions entre fèbles e moderades pendent era maitiada e eth maitin, en tot desaparéisher pera tarde. Còta de nhèu sus es 1.000 m. Acumulacions d'uns 15 cm en Baqueira 2500.
Temperatures similares ara jornada anteriora en zònes baishes e notablaments mès heiredes en nautada (0°/5° en hons de Val; -7°/-5° en còta 2.000).