Torne er iuèrn ara Val d'Aran.

Aué dijaus 25 de gèr, començaram era jornada damb cèus sereni qué se corbiràn progressivaments damb bromes miegess e nautes. A darrères ores era nivolositat serà abondiua. Precipitacions moderades pera net., que de maitiada seràn puntuauments intenses. Còta de nhèu enes 1500m pendent era tard net en tot descéner rapidaments cap as 800 m. Acumulacions de 15 a 20 cm en Baqueira 2500.
Vents de sud-oest fèbles damb quauqua bohada moderada, que viraràn a nòrd-oest a darrères ores.
Temperatures doces pendent era jornada, en tot descéner a darrères ores (3°/12° en hons de Val; -1°/3° en còta 2.000).

Eth diuendres serà embromat tamb precipitacions moderades, puntuauments intenses, pendent era maitiada; fèbles e intermitentes pendent era jornada. Còta de nhèu ath torn des 700 m. Acumulacions de 10 a 20 cm en còtes nautes. 
Vents moderadi deth nòrd damb quauques bohades fòrtes en zònes nautes.
Temperatures en descenuda que serà mès apreciable en zònes nautes(1°/6°en hons de Val; -7°/-5° en còta mieja).

Eth dissabte seguiram tamb nivolositat abondiua e quauques precipitacions entre fèbles e moderades, que serien de nhèu en totes es còtes pendent eth maitin, en tot pujar a còta 800m pera tarde. Celhs de 10 a 15 cm en còtes nautes. Pendent era net auram cèus sereni.
Aire deth nòrd moderat tamb quauques bohades fòrtes.
Temperatures similares ara jornada anteriora (0°/6° en zònes baishes; -7°/-4° en còta mieja).

Semble que se confirme qu'eth dimenge serà eth melhor dia d'esquí de çò qu'amiam d'an, tamb solei e nhèue povàs.