Dimars damb quauques nheuades, dimèrcles ascens de còta

Aué dimars 13 de hereuèr, començaram era jornada damb cèus serenui, encara qu'era nivolositat aumentarà a mesura qu'auance eth maitin e deisharà cèus fòrça caperadi pera tarde. Precipitacions fèbles passades eth meddia e que perduraràn pendent era net, damb còta de nhèu ath torn des 700 m, encara que puntuauments poderie baishar a toti es nivèus dera Val d'Aran. Acumulacions de 10 a 15 cm en còtes nautes. Vents fèbles encara que damb quauqua bohada moderada de sud-oest.
Temperatures minimes fòrça heiredes, diürnes en recuperacion (-8°/6° en hons de Val; -15°/-5° en còta 2.000).

Eth dimèrcles 14, serà fòrça embromat damb precipitacions fèbles pendent era maitiada e eth maitin, en tot tornar-se moderades pera tarde. Còta de nhèu sus es 600 m de maitiada, en tot pujar as 1800 m peth maitin e as 2000 pera tarde e net. Acumulacions de 15 a 20 cm en còtes nautes.
Temperatures minimes en ascens respecte ara jornada anteriora (-1°/8° en hons de Val; -8°/0° en còta 2.000).

Eth dijaus 15, pendent era maitiada auram nivolositat abondiua damb quauques precipitacions que serien de nhèu peth dessús des 2100 m. Acumulacions de 10 a 15 cm en còtes nautes.
A compdar de miei maitin se dauriràn clari, encara que demoraràn encara quauques brumes escampilhades.
Vents fèbles de compausant nòrd-oest, damb quauqua bohada moderada pendent era maitiada.
Es temperatures en notable ascens (3°/14° en hons de Val, 1°/3° en còta 2.000).