7/3/18

Dimèrcles damb solei e bèra broma.

Aué Dimèrcles 7 de març, auram ues prumères ores damb nivolositat abondiua que poderie deishar quauqua nheuada fòrça fèbla en quinsevolhe còta. Es bromes se trincaràn a mesura qu'auance eth maitin en tot deishar-mos un meddia e ua tarde assolelhada. Pera net tornarà a aumentar era nivolositat. Vents fèbles de nord-oest.
Temperatures un shinhau mès heiredes qu'en jornades anteriores sustot es minimes (1°/12° en Les; -7°/-2° en còta 2.000).

Eth dijaus 8, serà dominat per bromes de tipe miei e naut que seràn mès compactes pendent eth maitin e qu'en fòrça moments deisharàn entreveir eth solei. Pas s'escarte quauqua fòrça fèbla precipitacion damb còta de nhèu sus es 1800 m. Vents fèbles deth Sud damb quauques bohades moderades.
Temperatures sense massa cambis (1°/13° en Les; -7°/-1° en còta 2.000).

Eth diuendres 9, auram un maitin assolelhat e damb quauqui bromalhs nauti; pera tarde era nivolositat de tipe naut e miei serà un shinhau mès compacta e damb possibilitat de bèra fòrça fèbla precipitacion a darrères ores. Vents moderadi de sud-oest.
Temperatures en auça (5°/17° en Les; -3°/3° en còta 2.000).