28/4/18

Variabilitat e descenuda de temperatures

Aué dissabte 28 d'abriu, auram un maitin pro embromat damb quauqua precipitacion intermitenta. A compdar de miei maitin se dauriràn clari. A darrères ores tornarà a aumentar era nivolositat damb probabilitat mieja de tempèsta. Vents moderadi deth sud.
Temperatures normaus entara epòca (7°/18° en Es Bòrdes; 6°/16° en Unha).

Eth dimenge 29, seguiram damb nivolositat abondiua en tot daurir-se clari a darrères ores. Precipitacions moderades e puntuauments intenses pendent grana part deth dia que desapareisheràn ath ser. Còta de nhèu entre es 1900 e es 1700 m. Vents fèbles encara que damb quauqua bohada moderada.
Temperatures en descenuda (7°/12° en Es Bòrdes; 5°/10° en Unha).. 

Eth deluns 30, peth maitin serà pro assolelhat. Pera tarde aumentarà era nivolositat e se poderie produsir quauque plojat. Còta de nhèu enes 1.700 m en tot descéner pera net cap as 1.200 m.
Es temperatures contunharàn en descenuda sustot es minimes (4°/12° en Es Bòrdes; 3°/10° en Unha).