Contunhe era variabilitat ena Val d'Aran.

Aué dijaus 31 de mai, auram un maitin damb alternancia de br0mes e clari, se pòt escapar quauqua fèbla rogina. Pera tarde, se desvoloparàn bromalhs d'evolucion, intercaladi damb clari e damb probabilitat mieja-nauta de tempèsta.
Temperatures un shinhau fresques (10°/19° en Arròs; 7°/16° en Bagergue). 

Eth diuendres 1 de junh, eth maitin serà pro assolelhat damb quauqua broma. Pendent era tarde se tornaràn a formar bromalhs convectius, alternadi damb clari e damb probabilitat nauta de tronada.
Temperatures en leugèr ascens (10°/20° en Arròs; 8°/17° en Bagergue).

Eth dissabte 2, peth maitin auram solei velhat per quauques bromes nautes e primes. Pera tarde de nau se tornaràn a formar bèri bromalhs convectius damb probabilitat mieja de tronada.
Es temperatures contunharàn eth sòn lent ascens (10°/21° en Arròs; 8°/18° en Bagergue).