10/5/18

Dijaus damb bromeres, diuendres pro assolelhat

Aué dijaus 10 de mai, auram ua jornada damb bromeres que poderien deishar quauqua fèbla ploja. Pera tarde es bromes seràn mens compactes e se dauriràn quauqui clari. Vnts Doci deth nòrd.
Temperatures un shinhau fresques entara epòca (7°/15° en Escunhau; 6°/14° en Arres).

Eth diuendres 11, serà pro assolelhat, encara qu'a darrères ores se desvoloparàn quauqui bromalhs e se poderie produsir bèra precipitacion. Vents en tot cambiar a sud-oest.
Temperatures minimes en descenuda, fòrt e puntuau ascens des maximales (4°/23° en Escunhau; 3°/21° en Arres).

Eth dissabte jornada que se celèbre era Shasclada deth Haro en Les, serà pro embromat, encara que peth maitin se poderien daurir quauqui clari. Pera tarde e net se produsiràn precipitacions moderades e puntuauments intenses. Còta de nhèu que per era net poderie descéner per jos es 1000 m.
Descenuda des temperatures diürnes (9°/15° en Escunhau; 7°/14° en Arres).