Dimèrcles assolelhat, Santa Creu damb quauques precipitacions e temperatures baishes

Aué dimèrcles 2 de mai, serà ua jornada pro assolelhada, encara qu'a darrères ores aumentarà era nivolositat que poderie produsir quauqua precipitacion fèbla damb còta de nhèu sus es 1800 m. 
Vents fèbles deth nòrd.
Temperatures minimes iuernaus (1°/15° en Bossòst; -1°/12° en Salardú).. 

Eth dijaus 3, auram bromes e bromalhs de tipe miei, damb precipitacions fèbles e intermitentes, encara que pendent era maitiada poderien èster puntuauments moderades. Era còta de nhèu se mantierà en torn as 2.000 m. Pera tarde se poderien daurir quauqui clari.
Vents fèbles damb quauques bohades moderades deth nòrd.
Es temperatures contunharàn en tot èster baishes entara epòca encara que damb ascens des minimes (5°/13° en Bossòst; 3°/11° en Salardú).. 

Eth diuendres 4 eth cèu seràn corbidi damb bromes baishes e nautes. Pas s'escarte quauqua fèbla precipitacion. Vents deth nòrd damb quauqua bohada moderada.
Temperatures sense massa cambiaments (5°/16° en Bossòst; 4°/14° en Salardú).