Maitin de Shasclada damb bromes e quauqua ploja, tarde damb precipitacions.

Aué dissabte 12 de mai, auram un maitin damb nivolositat abondiua alternada damb quauque clar e tamb bèra fèbla e intermitente precipitacion. Pera tarde aumentarà era nivolositat e se produsiràn precipitacions moderades, puntuauments intenses a darrères ores. Còta de nhèu enes 2700 m en tot descéner rapidaments enquia plaçar-se pera net enes 900 m, puntuauments per dejós. Se poderie arribar a acumular entre 15 a 20 cm en còtes nautes.
Vents fèbles damb quauqua bohada moderada deth sud pendent eth maitin, en tot virar ath nòrd pera tarde.
Temperatures diürnes en descenuda respecte ara jornada d'ager (8°/17° en Escunhau; 7°/16° en Arres).

Eth dimenge, auram bromes e bromeres que poderien deishar quauqua fèbla precipitacion, alternades damb quauqui clari, que seràn mès frequents pera tarde. Còta de nhèu entre es 1000 e es 1500 m. Vents moderadi deth nòrd.
Temperatures heiredes entara epòca (2°/12° en Escunhau; 1°/10° en Arres).

Eth deluns, contunharam damb cèus pro corbidi que poderien deishar quauqua precipitacion fèbla e intermitent pendent era tarde. Vents fèbles deth nord-oest.
Es temperatures contunharàn en tot èster baishes entara epòca (4°/9° en Escunhau; 2°/7° en Arres).