Bromeres, rogines fèbles e intermitentes e temperatures fresques.

Aué dijaus 14 de junh auram un maitin damb bromeres e bromes baishes que deisharàn quauqua fèbla e intermitenta rogina. Pera tarde se dauriràn quauqui clari, encara qu'a darrères ores poderie tornar a aumentar era nivolositat e produsir-se quauqu'ua rogina. Vents fèbles deth nòrd.
Temperatures fresques entara epòca (10°/19° en Les; 9°/18° en Bausen).

Eth diuendres s'alternaràn clari damb nivolositat principauments de tipe baish.
Temperatures sense cambis (11°/20° en Les; 10°/19° en Bausen).

Aguesta dimenjada se dispute eth Trail Carlac:
Eth dissabte auríem un maitin damb solei e quauqui intervaus de bromes; pera tarde aumentarie era nivolositat e se poderie produsir quauqua rogina. Es temperatures contunharàn similares as jornades anteriores.
Eth dimenge semble que serà un shinhau mès embromat qu'eth dissabte.