16/8/18

Dijaus damb temperatures agradables e possibilitat de plojats a darrères ores

Aué dijaus 16 d'agost, pendent eth maitin e prumères ores dera tarde auram solei damb quauques bromes nautes. A darrères ores aumentarà era nivolositat damb probabilitat nauta de plojats que contunharien pendent era net. Vents fèbles deth nòrd-est.
Temperatures normaus entara epòca (12°/27° en Bossòst; 11°/25° en Arties).

Eth diuendres 17, auram es tipiques bromères araneses, alternades damb quauqui clari que serien mès frequents a darrères ores. Pas s'escarte bèra fèbla precipitacion. Pendent era net desapareisherà era nivolositat. Vents fèbles deth nòrd.
Temperatures fresques (13°/19° en Bossòst; 11°/18° en Arties).

Eth dissabte serà assolelhat damb temperatures minimes fresques e maximales en recuperacion (9°/21° en Bossòst; 8°/19° en Arties).

Eth dimenge contunharam damb solei e ascens de temperatures.