Dijaus e diuendres fresqui e damb quauques precipitacions.

Aué dijaus 9 d'agost, auram un maitin damb nivolositat abondiua de tipe naut e miei, alternada damb bèri clari; pas s'escarte quauque plojat, que serà mès probable e intens cap a meddia e prumères ores dera tarde. Pendent era tarde aumentaràn es bromères e se poderien produsir quauques precipitacions mès fèbles e escampilhades.
Acusada descenuda de temperatures que mos deisharà un ambient fresc (13°/19° en Vielha; 16°/21° en Les).

Eth diuendres 10, serà protagonizat pes tipiques bromères araneses a miei vessant alternades damb quauqui clari. Pas s'escarte que se produsisque bèra precipitacion que serie de caractèr fèble. Pera net se disiparàn es bromères.
Es temperatures contunharàn fresques (13°/20° en Vielha; 16°/21 en Les).

Eth dissabte 11, serà pro assolelhat damb probabilitat baisha que se produsisque bèra tronada pendent era tarde.
Es temperatures minimes contunharàn baishes, es diürnes seràn agradables (10°/25° en Vielha; 11°/26° en Les).