22/8/18

Temperatures nocturnes fresques, diürnes de plen estiu.


Aué dimèrcles 22 d'agost, serà ua jornada assolelhada encara que damb quauques bromes nautes e primes. Pera tarde se desvoloparàn bèri bromalhs convectius e escampilhadi, que coma era jornada d'ager provocaràn tronades en vessant sud des Pirenèus e que remotaments e de manèra fòrça puntuau poderien afectar ena zòna mès meridionau e orientau dera Val d'Aran.
Temperatures minimes fresques e maximales nautes (13°/29° en Vilac; 11°/27° en Salardú).

Eth dijaus 23 seguiram damb solei e quauqui bromalhs nauti que embaranaràn quauquarren eth cèu. Pera tarde tornaràn a aparéisher bromalhs convectius damb probabilitat baisha de plojats.
Temperatures sense massa cambis encara qu'es maximales en leugèra descenuda (13°/27° en Vilac; 11°/25° en Salardú).

Eth diuendres 24, serà un shinhau mès embromat damb alternancia de nivolositat de tipe baish damb clari; se pòt produsir bèra fèbla precipitacion pendent era jornada.
Temperatures diürnes en descenuda (14°/22° en Vilac; 12°/20° en Salardú).