Maitin de dimèrcles tranquil, tarde tamb tronades.

Aué dimèrcles 5 de seteme, auram un maitin damb alternancia de bromes e clar.i Pera tarde aumentarà era nivolositat d'origin convectiu e se produsiràn bères tronades, acompanhades de bohades moderades de vent.
Temperatures diürnes agradables (12°/25° en Es Bòrdes; 10°/22° en Tredòs).

Eth dijaus 6, eth maitin serà pro embromat, encara que damb quauqui clari e pas s'scarte bèt plojat. Pera tarde se tornaràn a formar bromalhs d'evolucion damb probabilitat nauta de plojat.
Temperatures en descenuda (12°/21° en Es Bòrdes; 10°/19° en Tredòs).

Eth diuendres 7, serà mès assolelhat, encara que pera tarde tornarà a aumentar era nivolositat damb probabilitat mieja de tronada. Temperatures similares ara jornada anteriora.