Dimars pro assolelhat e damb ascens de temperatures maximales.

Aué dimars 30 d'octobre, auram un maitin assolelhat damb quauqui bromalhs nauti e fòrça primi. Pera tarde se alternaràn clari e bromes. A darrères ores se poderie produsir bèra fèbla precipitacion damb còta de nhèu sus es 1.800 m. Vents deth sud damb quauques bohades moderades en zònes nautes.
Temperatures minimes heiredes, es diürnes en notable ascens rescauades pera accion der aire de España. (-3°/12° en Arròs; -4°/10° en Arties).

Eth dimèrcles 31 serà ua jornada caperada damb precipitacions fèbles en vessant nòrd, entre 10 a 15 cm en Cap de Baqueira. Era nheuada serà moderada e puntuauments intensa en zònes nautes deth vessant sud des Pirenèus a on se poderien acumular mès de 40 cm de nhèu. Era còta se plaçarà en torn as 1.800 m en tot descéner puntuauments as 1.600 m. Vents deth sud-est damb quauques bohades moderades.
Temperatures minimes en ascens damb çò que ja non auram gelades en zònes baishes. Es maximales sense cambis (2°/11° en Arròs; 1°/10° en Arties.

Eth dijaus 1 de noveme s'alternaràn bromalhs e clari e pas s'escarte bèra fèbla precipitacion damb còta de nhèu sus es 1.800 m.
Leugèra descenuda des temperatures minimes (0°/11° en Arròs; -1°/9° en Arties).