Quate dies de cauma, en tot demorar eth heired entara dimenjada.

Aué dimars 23 d'octobre, serà d'auta jornada esplendidaments assolelhada, damb quauques bromes baishi e escampilhades a darrères ores. Vents fèbles deth nòrd.
Temperatures minimes fresques maximales doces entara epòca (4°/19° en Aubèrt; 3°/16° en Bagergue).

Eth dimèrcles 24, seguiram damb cèus sereni. Vents fèbles deth nòrd damb quauqua bohada moderada, sustot en zònes nautes.
Temperatures sense cambis (5°/19° en Aubèrt; 3°/16° en Bagergue).

Eth dijaus contunharà er ambient assolelhat damb un leugèr ascens de temperatures (6°/21° en Aubèrt; 4°/18° en Bagergue).

A compdar deth dissabte 27, se demore era irrupcion d'ua massa d'aire heired, que harà descéner bruscaments era temperatura e que poderie provocar nheuades, inclús en còtes baishes a compdar deth dimenge. Seguiram damb atencion era situacion.