Dimars damb clars e bromes, dimèrcles un shinhau mès caperat.

Aué dimars 6 de noveme, auram un maitin damb alternancia de bromalhs e clari. Pendent era tarde s'imposaràn es cèus sereni. Vents loishi deth sud.
Temperatures diürnes en descenuda respecte a jornades anteriores (4°/13° en Arró; 3°/12° en Casau).

Eth dimèrcles 7, pendent eth maitin s'alternaràn clari damb bromalhs de tipe naut e miei. Pera tarde aumentarà era nivolositat e pas s'escarte quauque fèble plojat damb còta de nhèu sus es 1.900 m. Vents loishi deth sud.
Temperatures maximales en leugèr ascens (4°/15° en Arró; 3°/14° en Casau).

Eth dijaus 8 contunharàn es cèus parciauments corbidi per bromalhs de tipe naut e miei. Vents fèbles deth sud damb bèra bohada moderada en zònes nautes.
Temperatura sense massa cambis (3°/14° en Arró; 3°/13° en Casau).