9/11/18

Dimenjada d'estiuet de Sant Martín

Aué diuendres 9 de noveme, era jornada serà pro caperada damb precipitacions fèbles a prumères ores, que desapareisheràn a mesura qu'auance era jornada. Còta de nhèu ath torn des 1.900 m. Pendent era tarde se dauriràn clari. Vents fèbles deth nòrd.
Temperatures en descenuda respecte a jornades anteriores (6°/12° en Arró; 5°/12° en Casau).

Eth dissabte 10, auram ua jornada damb nivolositat abondiua, encara qu'apareisheràn quauqui clari, qu'a darrères ores se haràn mès frequenti. Pendent eth maitin se poderie produsir bèra precipitacion fèbla damb còta de nhèu sus es 2.200 m. Vents fèbles deth sud-oest.
Temperatures diürnes en notable ascens (6°/18° en Arró; 5°/17° en Casau).

Eth dimenge 11, serà assolelhat; vents de sud damb quauques bohades moderades. 
Temperatures nautes entara epòca (6°/19° en Arró; 5°/18° en Casau).