2/11/18

Diuendres caperat damb quauques precipitacions fèbles. Rèsta de Pònt pro assolelhat.

Aué diuendres 2 de noveme, auram un maitin damb bromalhs de tipe naut e miei alternadi damb quauque clar. Pera tarde aumentaràn es bromalhs baishi. Se pòden produsir precipitacions fèbles e intermitentes, principauments, a prumères ores e pendent era tarde. Còta de nhèu sus es 1.800 m e acumulacions d'ath torn de 5 cm en Cap de Baqueira. Vents loishi deth nòrd.
Temperatures encara per jos es normaus entara epòca (2°/11° en Arròs; 1°/9° en Arties).

Eth dissabte 3, serà pro assolelhat, encara que damb quauques franges de bromalhs nauti e primi pendent eth maitin.
Temperatures similares ara jornada anteriora (1°/11° en Arròs; 0°/9° en Arties).

Eth dimenge 4, auram solei embaranat per bandes de bromalhs nauti e primi. Vents fèbles deth sud.
Temperatures minimes heiredes, diürnes en notable ascens (0°/18° en Arròs; -1°/16° en Arties).