27/2/19

Dimèrcles "d'ostiu", descenuda de temperatures a compdar de deman.

Aué dimèrcles 27 de hereuèr, contunharà era situacion anticiclonica que mos acompanhe des de hè ja 16 dies, e que mos deisharà cèus assolelhadi garnits per quauqui bromalhs nauti e primi.
Temperatures minimes fresques; diürnes d'ostiu (3°/23° en Es Bòrdes; 1°/19° en Unha).

Eth dijaus 28, seguirà er ambient anticiclonico, encara que coma novetat auram bromalhs nauti e mieis un shinhau mès compactes e vents fèbles deth nòrd.
Temperatures dïurnes nautes entara epòca, encara qu'en notabla descenuda (3°/15° en Es Bòrdes; 1°/11° en Unha).

Eth diuendres 1 de març, serà fòrça similar ara jornada anteriora, damb solei embaranat per bromalhs nauti.
Es temperatures similares ara jornada anteriora damb maximales per jos de çò qu'èm acostumadi aguesti dies (2°/14° en Es Bòrdes; 1°/10° en Unha).

Semble qu'era dimenjada serà variabla e que per fin a principis dera setmana que ven s'assolidarà un cambi que poderie retornar-mos ar iuèrn.