Començament de setmana fresc, pro caperat e damb precipitacions fèbles e discontinues.

Aué deluns 18 de març, serà ua jornada damb bromes alternades damb quauqui clari esporadics; se pòden produsir bèri plojats fèbles e intermitenti damb còta de nhèu ath torn des 1.200 m en tot descéner a darrères ores cap as 900 m. Vents fèbles deth nòrd damb bèra bohada moderada en zònes nautes.
Temperatures per jos es abituaus entara epòca (0°/8° en Vilac; -1°/5° en Gessa).

Eth dimars 19, serà caperat damb precipitacions fèbles e intermitentes e còta de nhèu ath torn des 900 m. A darrères ores se dauriràn quauqui clari. Vents fèbles deth nòrd damb bèra bohada moderada en zònes nautes e exposades.
Temperatura leugèraments per jos es dera jornada anteriora (0°/6° en Vilac; -1°/4° en Gessa).

Eth dimèrcles 20, serà assolelhat damb vents fèbles deth nòrd.
Temperatures en leugèr ascens (1°/9° en Vilac; 0°/7° en Gessa).