Solei e ascens de temperatures en Aran.

Aué dijaus 21 de març, auram ua jornada esplendidaments assolelhada damb temperatures minimes heiredes e diürnes a pròp des normaus entara epòca (-1°/12° en Vilac, -3°/10° en Gessa).

Eth diuendres 22, pendent eth maitin seguiram damb cèus sereni encara que damb un shinhau de povàs en suspension procedent deth nòrd d'Africa. Pera tarde apareisherà bèt bromalh escampilhat e pas s'escarte que s'escape bèra gota isolada.
Es temperatures minimes seràn fresques e es maximales normaus entara epòca (0°/16° en Vilac; -1°/13° en Gessa).

Eth dissabte 23, serà assolelhat encara que, pera tarde pòden aparéisher quauqui bromalhs nauti e primi.
Es temperatures contunharàn en ascens (0°/17° en Vilac; 0°/15° en Gessa).