20/4/19

Dissabte Sant pro caperat, damb povàs en suspension e quauques precipitacions de tarde e net

Aué dissabte 20 d'abriu, auram un maitin damb bromalhs de tipe naut e quauques brumes escampilhades. Pera tarde e net aumentarà era nivolositat e se produsiràn plojats intermitenti. Ambient calimós a causa dera preséncia de povàs nord-african en suspension qu'ath precipitar mos deisharà hanga.
Temperatures un shinhau peth dessús des normaus entara epòca (7°/19° en Bossòst; 5°/16° en Salardú).

Eth dimenge 21, serà pro embromat e damb precipitacions principauments pendent era maitiada e era tarde. Aumentarà era concentracion de povàs en suspension.
Temperatures abituaus de fins d'abriu (6°/15° en Bossòst; 4°/13° en Salardú).

Eth deluns 22, seguiram damb nivolositat abondiua, ambient bromós e quauques precipitacions pendent era tarde.
Temperatures en leugèr ascens respecte ara jornada anteriora (7°/18° en Bossòst; 5°/16° en Salardú).