Dus dies variables damb possibles nheuades en còtes mieges eth dijaus pera tarde.

Aué dimèrcles 10 d'abriu, auram alternancia de bromes e clari. Pas s'escarte bèra fèbla precipitacion damb còta de nhèu ath torn des 1.400 m. Vents fèbles deth nòrd.
Temperatures fresques, un shinhau per jos des abituaus entara epòca (3°/11° en Canejan; 2°/9° en Mont).

Eth dijaus 11, pendent eth maitin s'alternaràn clari e bromes. Pera tarde aumentarà era nivolositat e se produsiràn quauques precipitacions entre fèbles e moderades; còta de nhèu ath torn des 1.600 m. Acumulacions d'uns 15 cm en Baqueira 2500. Vents de nòrd damb quauqua bohada moderada en zònes nautes.
Temperatures en leugèra descenuda (1°/8° en Canejan; 0°/7° en Mont).

Eth diuendres 12, serà ua jornada assolelhada damb quauques bromes escampilhades a prumères ores. Vents fèbles deth nòrd damb bèra bohada moderada.
Temperatura similara ara jornada anteriora (1°/9° en Canejan; 0°/8° en Mont).