15/4/19

Variabilitat primauerau e temperatures doces ena Val d'Aran.

Aué deluns 15 d'abriu, auram un maitin damb solei embaranat per bromalhs nauti. Pendent era tarde aumentarà era nivolositat. Pera net se produsiràn quauqui plojats entre fèbles e moderadi damb còta de nhèu enes 2.400 m en tot descéner cap as 2.000 m. Vents fèbles de sud-oest damb bèra bohada moderada pendent era tarde e net.
Temperatures nautes entara epòca (5°/21° en Bossòst; 3°/17° en Salardú).

Eth dimars 16, peth maitin encara demoraràn rèstes de nivolositat que poderien deishar quauqua precipitacion fèbla e isolada. Pendent era tarde se dauriràn clarulhes damb bères bromes escampilhades.
Temperatures diürnes en descenuda encara que laguens es abituaus entara epòca (5°/16° en Bossòst; 2°/13° en Salardú).

Eth dimèrcles 17, auram solei embaranat per bromalhs nauti. Vents fèbles deth sud-oest damb bèra bohada moderada, sustot en zònes nautes.
Temperatures diürnes lèu d'estiu (4°/23° en Bossòst; 2°/20° en Salardú).