8/7/19

Deluns e dimars inestables damb probables tronades ena Val d'Aran.

Aué deluns 8 de junhsèga, serà ua jornada damb alternancia de bromes, clarulhes e quauques brumes a miei vessant enes zònes mès baishes dera Val. Se pòden produsir precipitacions fèbles e intermitentes pendent eth maitin. Pera tarde se desvoloparàn tronades que puntuauments poderien èster intenses e acompanhades de peira; es precipitacions mos deisharàn hanga peth povàs en suspension e contunharien pendent era net. Vents deth sud-oest damb quauqua bohada moderada, sustot pera tarde.
Temperatures normaus entara epòca (15°/25° en Canejan; 15°/24° en Garòs).

Eth dimars 9, serà pro embromat damb precipitacions intermitentes entre fèbles e moderades e qu'anaràn aloishant pera net. Seguirà eth povàs nord-african que mos deisharà quauquarren de hanga. Vents fèbles deth nord-oest.
Temperatures en descenuda (14°/20° en Canejan; 13°/19° en Garòs).

Eth dimèrcles 10, auram solei alternat damb quauques bromères escampilhades en hons dera Val.
Temperatures en ascens (13°/24° en Canejan; 12°/22° en Garòs).