Dimenjada de refresc ena Val d'Aran.

Aué diuendres 26 de junhsèga, serà ua jornada pro embromada encara que puntuauments damb quauques clarulhes. Pendent eth maitin, se pòden produsir bères precipitacions isolades. Pera tarde aumentarà era inestabilitat damb probabilitat fòrça nauta de tronades, que puntuauments poderien èster intenses e acompanhades de bohades fòrtes. A mesura qu'auance era net es plojats remeteràn.
Temperatures en descenuda damb uns 10°C mens de maxima qu'es jornades precedentes (17°/24° en Bossòst; 15°/23°en Vielha).

Eth dissabte 27, contunharam damb cèus majoritàriaments cobèrts e precipitacions intermitentes que seràn mès probables, un shinhau mès contínues e intenses pendent era tarde. Vents fèbles deth nòrd.
Temperatures fresques, quasi heiredes entara epòca (13°/15° en Bossòst; 12°/14° en Vielha).

Eth dimenge 28, serà assolelhat damb bromes fòrça escampilhes a prumères e darrères ores.
Es temperatures contunharàn fresques encara qu'es maximes en recuperacion (13°/21° en Bossòst; 12°/20° en Vielha).