Diuendres assolelhat. Dissabte damb solei de maitin e possibles tronades a darrères ores.

Aué diuendres 12 de junhsèga, serà ua jornada assolelhada damb formacion de quauqui bromalhs escampilhadi d'evolucion pendent era tarde. Vents fèbles deth nord-oest.
Temperatures abituaus entara epòca (12°/27° en Canejan; 12°/28° en Garòs).

Eth dissabte 13, pendent eth maitin auram cèus sereni encara que damb ambient un shinhau brumós a causa deth povàs en suspension. Pera tarde se formaràn bromalhs d'evolucion damb probabilitat mieja de tronada, que poderien deishar un shinhau d'hanga. Pendent era net se poderien produsir precipitacions intermitentes.
Temperatures similares ara jornada anterior (13°/27° en Canejan; 12°/26° en Garòs).

Eth dimenge 14, era maitiada e eth maitin seràn pro caperats damb possibilitat de plojats intermitenti.
Pera tarde anaràn desapareishent es precipitacions e se dauriràn clarulhes alternades damb bromes. Vents fèbles deth nòrd.
Temperatures en leugèra descenuda (14°/23° en Canejan; 13°/22° en Garòs).